գլխավոր Իրադարձային Կապանի ռեստորանային համալիրներից մեկի մոտ մատուցողը դանակահարել է Դդմաշեն գյուղի բնակչին

Կապանի ռեստորանային համալիրներից մեկի մոտ մատուցողը դանակահարել է Դդմաշեն գյուղի բնակչին

Սեպտեմբերի 23-ին, ժամը 09.15-ին, ոստիկանության Կապանի բաժին հիվանդանոցից հաղորդում էր ստացվել, որ «ձախ ազդրի վերին երրորդականի ծակած-կտրած վերք» ախտորոշմամբ բուժօգնության է տեղափոխվել Դդմաշեն գյուղի 37-ամյա մի բնակիչ։ Մանրամասներ է հաղորդում ՀՀ ոստիկանությունը։

Ոստիկանության Կապանի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, որ սեպտեմբերի 23-ին, ժամը 02.00-ի սահմաններում, Կապանի ռեստորանային համալիրներից մեկի մոտ տեղի ունեցած վիճաբանության ընթացքում ռեստորանային համալիրի 30-ամյա մատուցողը դանակահարել էր 37-ամյա տղամարդուն՝ պատճառելով մարմնական վնասվածք:

Ոստիկանների բացատրական աշխատանքի շնորհիվ 30-ամյա տղամարդը ներկայացել է ոստիկանության Կապանի բաժին և տվել խոստովանական բացատրություն:

Կատարվում է քննություն»,-ասված է Ոստիկանության հաղորդագրության մեջ։