գլխավոր Գլխավոր Ադրբեջանում արաբախոս վարձկանների գտնվելու առաջին տեսաապացույցը․ Razm.info

Ադրբեջանում արաբախոս վարձկանների գտնվելու առաջին տեսաապացույցը․ Razm.info

Սոցցանցերում այսօր տարածված մի տեսանյութում, Ադրբեջանի Պետական սահմանապահ ծառայության (ՊՍԾ) համազգեստով զինված մարդիկ են, որոնք, սակայն չունեն զինծառայողի տեսք (օրինակ՝ սափրված չեն) և արաբերեն են խոսում ու երգում։

Մենք (Razm.info, խմբ․) տեղորոշեցինք տեսանյութում պատկերված վայրը։ Տեսանյութը նկարահանվել է Ադրբեջանի ՊՍԾ Հորադիզ քաղաքի սահմանապահ ջոկատի զորամասի դիմաց։
Բազմաթիվ լրատվամիջոցներ են հայտնել Սիրիայի տարածքից թուրքամետ զինյալների՝ Ադրբեջան տեղափոխելու մասին, Արցախի դեմ մարտերին մասնակցելու նպատակով (օրինակ՝ Reuters, BBC, AFP), սակայն սա առաջին տեսանյութն է, որում երևացող վայրը հնարավոր է հստակ տեղորոշել։