գլխավոր Իրադարձային Երևանի երկնքում երևացին Հայկ նահապետը, Արարատը և եռագույնը․դրոնների տպավորիչ շոուն

Երևանի երկնքում երևացին Հայկ նահապետը, Արարատը և եռագույնը․դրոնների տպավորիչ շոուն

Անկախության 30-ամյակին նվիրված միջոցառումն իսկապես գունագեղ ավարտ ունեցավ։ Մի քանի տասնյակ դրոնների լուսային շոուն տպավորիչ էր։ Րոպեներ շարունակ Հանրապետության հրապարակի երկնքում հատուկ անօդաչու թռչող սարքերով գծագրվում էին հայ ժողովրդի պատմության համար խորհրդանշական պատկերներ։

Սկզբում երկնքում երևաց արծիվը, ապա տարածեց թևերն ու դրանց տակ երևաց Հայոց բիբլիական լեռը՝ Արարատը, այնուհետև Հայկ Նահապետն արձակեց իր նետը, հետո երկնքում հայտնվեց մեր էպոսի հերոսը` Սասունցի Դավիթը՝ Քուռկիկ Ջալալիին հեծած։

Այնուհետև հայոց գրերի գյուտի հեղինակ Մեսրոպ Մաշտոցն իր աշակերտ Կորյունի հետ պատկերվեց երկնքում։ Երկինքը լուսավորվեց Հայոց եռագույնով, ապա պետական զինանշանով, դրոնների գունեղ լուսային շոուի վերջում երկնքում գրվեց «Հայաստան»։