գլխավոր Հասարակություն Ստանիսլավսկու անվան ռուսական դրամատիկական թատրոնն աջակցում է փոքրիկներին․ «Երեք խոզուկները» Արցախից եկած...

Ստանիսլավսկու անվան ռուսական դրամատիկական թատրոնն աջակցում է փոքրիկներին․ «Երեք խոզուկները» Արցախից եկած երեխաների համար

Կ. Ս. Ստանիսլավսկու անվան ռուսական դրամատիկական թատրոնը իր լուման է ներդնում Արցախից Հայաստանում հյուրընկալված երեխաների առօրյան գեղեցիկ դարձնելու համար:

«Արմենպրես»-ի հաղորդմամբ՝ թատրոնը հոկտեմբերի 4-ին ժամը 13:00-ին կցուցադրի Օ. Եմելյանովայի «Երեք խոզուկներ» բարեգործական մանկական ներկայացումը, որի բեմադրիչը Նորա Գրիգորյանն է:

Այս զվարճալի հեքիաթում խոզուկները հնարամիտ են, ժամանակակից, իսկ գայլուկը՝ ոչ սարսափազդու: Բեմում կլինեն թատրոնի երիտասարդ դերասանները:

Թատրոնի մուտքի մոտ մանուկներին կդիմավորեն հայտնի հեքիաթների հերոսները: