գլխավոր Իրադարձային Երասխում բարձրացվել է այս պահին ՀՀ-ում եղած ամենամեծ եռագույնը

Երասխում բարձրացվել է այս պահին ՀՀ-ում եղած ամենամեծ եռագույնը

Արարատի մարզի Երասխ համայնքում հանդիսավոր արարողությամբ բարձրացվել է այս պահին հանրապետությունում եղած ամենամեծ եռագույնը։ (Դրոշի չափսերը` 6մ×12մ, դրոշակաձողի բարձրությունը 35մ)։ Այս մասին ֆեյսբուքյան էջում հաղորդագրություն է տարածել Արարատի մարզպետարանը:

«Արարողությանը մասնակցել են Արարատի մարզպետ Ռազմիկ Թևոնյանը,  պետական այրեր, մարզպետարանի աշխատակիցներ, քաղաքացիներ։

Նախաձեռնությունը Պետական գույքի կառավարման կոմիտեի նախագահ Գարիկ Սարգսյանինն է։ Այն նվիրված է ՀՀ անկախության 30-ամյակին, ինչպես նաև նրա ազատության և ինքնիշխանության համար իրենց կյանքը զոհած բոլոր հերոս հայորդիների հիշատակին»,- ասված է հաղորդագրության մեջ։