գլխավոր Իրադարձային Զոհված զինծառայողի հորը բերման ենթարկեցին Եռաբլուրից

Զոհված զինծառայողի հորը բերման ենթարկեցին Եռաբլուրից

Անկախության օրվա առիթով պայմանավորված՝ ՀՀ բարձրաստիճան մի շարք պաշտոնյաներ Եռաբլուրում են։ Այստեղ են ՀՀ նախագահ Արմեն Սարգսյանը, Ազգային Ժողովի նախագահ Ալեն Սիմոնյանը, ՀՀ պաշտպանության նորանշանակ նախարար Արշակ Կարապետյանը, Սուրեն Պապիկյանը, ԱԽՔ Արմեն Գրիգորյանը, Արցախի նախագահ Արայիկ Հարությունյանը և այլք։ Քիչ առաջ էլ ժամանել է Փաշինյանը։

Րոպեներ առաջ ոստիկանությունը անմիջապես Եռաբլուրից բերման ենթարկեց զոհված զինծառայող Լեւոն Գալստյանի հորը՝ Արմեն Գալստյանին։ Այս մասին հայտնում է Hraparak.am-ը։

Նշենք, որ զոհված զինծառայող Լեւոն Գալստյանի հայրը՝ Արմեն Գալստյանը բերման ենթարկվեց Փաշինյանին թուրք անվանելուց հետո, ինչի ժամանակ էլ մի քանի ոստիկան ձեռքերից բռնեց ու տարավ, իսկ քանի որ լրագրողներին արգելված է տեղաշարժվել, մենք չհասցրինք պարզել՝ ուր են տանում Գալստյանին։