գլխավոր Իրադարձային «Գունագեղ միջոցառման» ծրագիրը. ի՞նչ է սպասվում սեպտեմբերի 21-ին

«Գունագեղ միջոցառման» ծրագիրը. ի՞նչ է սպասվում սեպտեմբերի 21-ին

Sputnik Արմենիայի տրամադրության տակ է հայտնվել սեպտեմբերի 21-իԱնկախության 30-ամյակին նվիրված տոնակատարության միջոցառումների ծրագիրը։ Հայտնել էինք, որ զոհված զինծառայողների հարազատներն այսօր բողոքի ակցիա էին անում Հանրապետության հրապարակում պահանջելով Անկախության օրը նախատեսված համերգը չեղարկել։ Միաժամանակ Անկախության օրվա միջոցառման փորձն էր ընթանում։

Այսպես, բացումը կլինի ՀՀ ազգային օրհներգով, որից հետո վարչապետ Նիկոլ Փաշինյանը ելույթով հանդես կգա։ Ինչ վերաբերում է համերգային մասին, ապա հնչելու են Տիգրան Մանսուրյանի, Արամ Խաչատրյանի, Ռոբերտ Ամիրխանյանի, Շառլ Ազնավուրի, Արտո Թունջբոյաջյանի և այլոց գործերից։ Բացի այդ, կլինեն նաև բեմականացումներ”Բարեկամություն անսամբլի”, բալետային խմբի և ակրոբատների մասնակցությամբ։ Նվագախմբերը ղեկավարելու են դիրիժորներ Ջորջ Փեհլիվանյանը, Սերգեյ Սմբատյանը, Նատալի Գալստյանը։ Ելույթ կունենան Ռուբեն Հախվերդյանը, Գևորգ Հակոբյանը, Ջուլիետա Գրիգորյանը, Սիրանուշ Գասպարյանը, Աննա Այվազյանը։ Հիշեցնենք, որ վարչապետի օգնական Նաիրի Սարգսյանն այսօր բողոքի ակցիա անող զոհվածների ծնողներին հայտնել էր, որ Անկախության օրվա միջոցառումները սկսվելու են Եռաբլուր այցից։

Ավելի վաղ կառավարության նիստի ժամանակ, ՀՀ վարչապետ Նիկոլ Փաշինյանը հայտարարել էր, որ ՀՀ անկախության 30-ամյակը սեպտեմբերի 21-ին շուքով կնշվի, Հանրապետության հրապարակում կլինի մասշտաբային ու գունագեղ տոնակատարություն, որը նվիրած կլինի նաև զոհերի հիշատակին։

Այս հայտարարությունը բուռն քննարկումների տեղիք տվեց, իսկ զոհվածների հարազատները ֆլեշմոբ սկսեցինպահանջելով չեղարկել համերգը։ Այնուհետև Փաշինյանն ԱԺ ամբիոնից ներողություն խնդրեց բոլոր նրանցից, ում զգացմունքները վիրավորել կամ խոցել է “գունագեղ միջոցառում զոհերի հիշատակին” արտահայտությամբ։