գլխավոր Իրադարձային Ազգային ժողովի նախագահի 3 թեկնածություն առաջադրվեց. ովքե՞ր են նրանք

Ազգային ժողովի նախագահի 3 թեկնածություն առաջադրվեց. ովքե՞ր են նրանք

Ազգային ժողով անցած ուժերն այսօր առաջադրեցին ԱԺ նախագահի իրենց թեկնածուներին։ «Քաղաքացիական պայմանագիր» խմբակցության ղեկավար Հայկ Կոնջորյանը հայտարարեց, որ իրենք առաջադրում են Ալեն Սիմոնյանի թեկնածությունը։

Իսկ «Հայաստան» դաշինքի պատգամավոր Սեյրան Օհանյանն էլ հայտարարեց, որ Մխիթար Զաքարյանի թեկնածությունն են առաջադրում։ Նա, ի դեպ, այս պահին կալանավորված է։

«Պատիվ ունեմն» էլ առաջադրեց Արթուր Սարգսյանի թեկնածությունը։

Նշենք, որ ԱԺ կանոնակարգ օրենքի համաձայն` ԱԺ նախագահն ընտրվում է գաղտնի քվեարկությամբ, պատգամավորների ձայների մեծամասնությամբ։

Նախ ներկայացնում են թեկնածուին, հետո նրանց ելույթի հնարավորություն տալիս։ Բացի այդ, պատգամավորները կարող են հարցեր հղել ԱԺ նախագահի թեկնածուներին, որից հետո թեկածուների եզրափակիչ ելույթներ ու պատգամավորների մտքերի փոխանակում է նախատեսված։