գլխավոր Միջազգային Մյանմարում հայտարարել են ժամանակավոր կառավարության ձևավորման մասին

Մյանմարում հայտարարել են ժամանակավոր կառավարության ձևավորման մասին

Իշխանության եկած զինվորականների կողմից ստեղծված Մյանմարի պետական վարչական խորհուրդը հայտարարել է երկրի ժամանակավոր կառավարության ձևավորման մասին: Այս մասին տեղեկացնում է «Սինխուա» գործակալությունը` հղում տալով խորհրդի հրամանին, գրում է «ՌԻԱ Նովոստի» գործակալությունը:

Հրամանագրի համաձայն՝ երկրի վարչապետ կդառնա Մյանմարի զինված ուժերի գերագույն հրամանատար, պետական վարչական խորհրդի նախագահ Մին Աունգ Խլայնը:

Հիշեցնենք, որ Մյանմարում տեղի է ունեցել ռազմական հեղաշրջում, որի ընթացքում զինվորականները ձերբակալել են «Ազգային լիգա հանուն ժողովրդավարության» կուսակցության ղեկավար և պետական խորհրդական Աուն Սան Սու Չժիին, նախագահ Վին Մյինային և այլ բարձրաստիճան պաշտոնյաների:

Զինվորական հեռուստատեսությունը հաղորդել էր երկրում մեկ տարի ժամկետով արտակարգ դրություն հայտարարելու մասին: Պետական հեղաշրջման արդյունքում պետական իշխանությունը երկրում անցել է Մյանմարի զինված ուժերի գլխավոր հրամանատար Մին Աունգ Խլայնուի ձեռքը, իսկ նախագահի պաշտոնակատար է դարձել փոխնախագահ Մյինգ Շվեն: