գլխավոր Իրադարձային Իրանում բնակիչները 19 ժամ շարունակ ընտրել են նոր նախագահ

Իրանում բնակիչները 19 ժամ շարունակ ընտրել են նոր նախագահ


Իրանում նախագահական ընտրություններն ավարտվեցին շաբաթ՝ հունիսի 19-ին, տեղական ժամանակով 02:00-ին (Երևանի ժամանակով 01:30-ին), որոշ ընտրատեղամասեր ավելի երկար աշխատեցին: Այս մասին հայտնում է RT-ն:

Քվեարկությունը սկսվել է ուրբաթ՝ հունիսի 18-ին, ժամը 07:00-ին (Երևանի ժամանակով 06: 30-ին) և ենթադրվում էր, որ կշարունակվի մինչև 00:00 (Երևանի ժամանակով 23: 30-ը), բայց ընտրատեղամասերի աշխատանքը երկարացվել է այն պատճառաբանությամբ, որ ոչ բոլոր ընտրողներն են հասցրել իրենց ձայնը տալ նշանակված ժամին:

Նշվում է, որ ընտրություններին հատկացված ժամանակի պաշտոնական ավարտից հետո որոշ տեղամասեր շարունակում էին աշխատել «մինչև վերջին ընտրողը»:

Առաջին փուլում հաղթելու համար թեկնածուներից մեկը պետք է հավաքի ձայների 50% -ից ավելին: Հակառակ դեպքում անհրաժեշտ կլինի կազմակերպել երկրորդ փուլ, որը կարող է տեղի ունենալ հունիսի 25-ին: