գլխավոր COVID-19 Կիպրոսում տրանսպորտի հետ կապված կորոնավիրուսային սահմանափակումների մեծ մասը հանվել է

Կիպրոսում տրանսպորտի հետ կապված կորոնավիրուսային սահմանափակումների մեծ մասը հանվել է

Կիպրոսի Հանրապետության իշխանությունները հանել են երկրում հասարակական տրանսպորտի, ինչպես նաև մասնավոր մեքենաների համար նախատեսված կորոնավիրուսային սահմանափակումները: Այս մասին հայտնել է երկրի տրանսպորտի, կոմունիկացիաների և հասարակական աշխատանքների նախարարությունը:

Եթե նախկինում թույլատրվում էր, որ ավտոբուսները տեղափոխեն տրանսպորտում նախատեսված ուղևորների քանակի 50 տոկոսին, ապա այժմ թույլատրվում է 100 տոկոսով ուղևորափոխադրումներ անել:

Նախարարությունից հայտնել են նաև, որ այժմ մասնավոր մեքենաներում մեկ ընտանիքի անդամները կարող են երթևեկել առանց դիմակների:

Դիմակների կրումը պարտադիր է հանրային տրանսպորտի վարորդների և ուղևորների համար:

Տաքսիում ուղևորների թվաքանակի սահմանափակումը ևս հանվել է: