գլխավոր Քաղաքականություն «Ես չեմ ուզում, որ մասնատեն իմ երկիրը». Լուկաշենկո

«Ես չեմ ուզում, որ մասնատեն իմ երկիրը». Լուկաշենկո

Բելառուսի նախագահ Ալեքսանդր Լուկաշենկոն կարծում է, որ երկրում այլընտրանքային ուժերի իշխանության գալու դեպքում հանրապետությունում սպանդ կսկսվի, և Ուկրաինայում տեղի ունեցածը դրա համեմատ «ծաղիկներ կթվան»: Այս մասին գրում է sputnik.by կայքը:

«Ես չեմ ուզում, որ մասնատեն իմ երկիրը, որը ես կառուցել եմ կայսրության փլատակների վրա, և չեմ ուզում, որ սպանեն ազնիվ, կարգապահ մարդկանց, որոնք աշխատել են այդ ուղղությամբ: Դա լյուստրացիա չի լինի, ինչպես ոմանք են ասում: Դա սպանդ կլինի: Եվ այն, ինչ կատարվել է Ուկրաինայում, ծաղիկներ կթվան»,-հայտարարել է Լուկաշենկոն:

Բողոքի ցույցերը Բելառուսում չեն դադարում օգոստոսի 9-ին կայացած նախագահական ընտրություններից ի վեր. ընդդիմադիրներն ու նրանց կողմնակիցներն ամեն օր փողոց են դուրս գալիս՝ բողոքելով ընտրությունների արդյունքներից, որոնց համաձայն՝ հաղթող է ճանաչվել երկրի գործող նախագահ Ալեքսանդր Լուկաշենկոն: