գլխավոր Տեխնո Թրամփը վերջնագիր է ներկայացրել TikTok-ին

Թրամփը վերջնագիր է ներկայացրել TikTok-ին

ԱՄՆ նախագահը երկարացրել է ByteDance-ի վրա դրված վերջնաժամկետը

Դոնալդ Թրամփը ստորագրել է մի հրամանագիր այն մասին, որ չինական ByteDance ընկերությունը, որը TikTok-ի սեփականատերն է, առաջիկա 90 օրերի ընթացքում պարտավոր է հրաժարվել ԱՄՆ-ում իր բոլոր ակտիվներից։

Օգոստոսի սկզբին, երբ Թրամփը ստորագրեց TikTok-ն ու WeChat-ը արգելելու մասին հրամանագիրը, նա չինական ընկերություններին 45 օր տվեց, այսինքն մինչև սեպտեմբերի 20-ը։ Հիմա վերջնաժամկետը երկարացվեց ու հասավ մինչև նոյեմբերի 12-ը։ Իր հրամանում Թրամփը կրկնել է նախկինում ասվածը, այն է՝ որ չինական ընկերությունը կարող է վտանգել ԱՄՆ ազգային անվտանգությունը։ Մինչև նոյեմբերի 12-ը չինական ByteDance ընկերությունը պարտավոր է ոչ միայն ամբողջությամբ հրաժարվել ամրիկյան ակտիվներից, այլև ոչնչացնել օգտատերերի անձնական տվյալները։ Բոլորը։ Դրանից հետո ընկերությունը պարտավոր է գրավոր հաշվետվություն ներկայացնել արտասահմանյան  ներդրումների կոնտեին։

Հրամանագրի ստորագրումից հետո ByteDance  ընկերության ներկայացուցիչը հայտնեց, որ մտադիր է հետագայում էլ զարգացնել TikTok-ն ԱՄՆ-ում։ Նրա խոսքով ամերիկայում 100 միլիոն մարդ սիրում է TikTok-ը։

Սոցցանցը կարող է խուսափել արգելափակումից, եթե այն գնի որևէ ամերիկյան կազմակերպոթւյուն։ Բանակցությունները հաստատել են Microsoft և Twitter ընկերությունները։