գլխավոր Տեխնո 4D աուդիոհամակարգ, ձեռքի շարժումով կառավարվող դռներ և գերհզոր շարժիչ. գաղտնազերծվել է Mercedes-Maybach...

4D աուդիոհամակարգ, ձեռքի շարժումով կառավարվող դռներ և գերհզոր շարժիչ. գաղտնազերծվել է Mercedes-Maybach մոդելի նոր շարքը

Գերմանական մեքենաշինական հսկան գաղտնազերծել է S-Class դասի առաջատար շարքը, որը դարձյալ համալրվելու է V12 գերհզոր շարժիչով:

Ինչպես ներկայացնում է luxurylaunches.com-ը, խոսքը Mercedes-Maybach S680 4Matic մոդելի շարքի մասին է, որը թողարկվելու է 2022 թվականին և գալու է փոխարինելու S650 մակնիշին: Մեքենան զինվելու է 6 լիտր աշխատանքային ծավալով V12 երկտուրբո շարժիչով, որը զարգացնում է 621 ձիաուժ հզորություն:

Հզոր շարժիչի շնորհիվ ավելի քան 2.2 տոննա կշռող մեքենան 100 կմ/ժամ արագությունը զարգացնում է 4.4 վայրկյանում, իսկ առավելագույն արագությունը կազմում է 200 կմ/ժամ:

Մեքենան արտաքին դիզայնով նման է Maybach S580 մոդելին, որը ներակայացվել էր անցյալ տարվա վերջին: Մեքենայի ինտերիերը ներակայնում է շքեղության նոր մակարդակով. սրահը պատված է Nappa գերփափուկ կաշվով, որը կիրառվել է անգամ արևապաշտպան վահանակների և կառավարման վահանակի դեպքում:

Մեքենայի սրահում հնարավոր է ձեռքի շարժումներով կառավարել տանիքի պանորամային բացովի պատուհանը և անգամ բացել դռները: Սրահում տեղադրված է շամպայնի սառեցման համար նախատեսված տարա և 4D աուդիոհամակարգ, որի շնորհիվ այն անաղմուկ և անթափանց է դառնում արտաքին ձայների նկատմամբ: